संपन्नतेतून उभ्या राहणाऱ्या संघर्षांची गोष्ट: विनय हिरेमठ यांचा प्रवास

तरुण उद्योजक विनय हिरेमठ यांची यशाची कथा

Vijay Hiremath :  जर तुम्हाला एका रात्रीत दहा कोटी रुपये मिळाले, तर तुम्ही काय कराल? एक नवीन व्यवसाय सुरू कराल, कदाचित मौजमजा कराल. पण विनय हिरेमठ यांची कहाणी या सर्वांपेक्षा वेगळी आहे. भारतीय वंशाचे आणि अमेरिकेत स्थायिक असलेले विनय हिरेमठ यांनी आपल्या स्टार्टअपचे विक्रमी 975 दशलक्ष डॉलर्स (अंदाजे 8,400 कोटी रुपये) मध्ये विक्री केली. हा निर्णय त्यांनी घेतला तेव्हा त्यांच्या आयुष्यात अनेक भावनिक व आर्थिक संकटे उभी होती.

ब्रेकअपने बदलले जीवन

विनय यांनी आपल्या ब्लॉगमध्ये त्यांच्या निर्णयामागील कारणे सांगितली. त्यांनी लिहिले, “माझ्या आयुष्यातील 2023 हे वर्ष अत्यंत आव्हानात्मक होते. माझ्या गर्लफ्रेंडसोबतच्या दोन वर्षांच्या नात्यात असुरक्षिततेमुळे दुरावा आला, आणि ब्रेकअप झाले. या भावनिक धक्क्यानंतर, मी कंपनी विकण्याचा निर्णय घेतला. हा निर्णय दुःखद असला तरी योग्य होता.”  (Vijay Hiremath)

कंपनीचा संघर्ष आणि यशाचा प्रवास

विनय हिरेमठ यांनी युनिव्हर्सिटी ऑफ इलिनॉय येथे शिक्षण घेतले, पण दोन वर्षांनंतर शिक्षण अर्धवट सोडून सिलिकॉन व्हॅलीचा रस्ता धरला. पालो अल्टो येथे, त्यांनी बॅकप्लेन नावाच्या स्टार्टअपमध्ये सॉफ्टवेअर अभियंता म्हणून काम केले, जिथे त्यांची ओळख शाहेद खानशी झाली. दोघांनी एकत्र येऊन Loom नावाच्या स्टार्टअपची स्थापना केली.  (Vijay Hiremath)

सुरुवातीला Loom ला अनेक आर्थिक अडचणींना सामोरे जावे लागले. निधी कमी झाल्याने कंपनी बंद होण्याच्या स्थितीत पोहोचली. या कठीण प्रसंगी विनय यांनी क्रेडिट कार्डच्या माध्यमातून निधी उभारून कंपनीला वाचवले. त्यांच्या नेतृत्वाखाली Loom च्या वापरकर्त्यांची संख्या दोन कोटींहून अधिक झाली आणि कंपनीला 2023 मध्ये विकण्यात आले.

अब्जाधीशाचा गोंधळ

कंपनी विकल्यानंतर विनय हिरेमठ एका नव्या संकटात अडकले. त्यांनी ब्लॉगमध्ये कबूल केले की, “मी आता श्रीमंत आहे. मला पुन्हा कधीच काम करण्याची गरज नाही, पण मला आता आयुष्याशी जोडणारी प्रेरणा सापडत नाही. मी जे कमावले आहे, त्याचा कसा उपयोग करावा, हे मला ठरवता येत नाही.”

गर्लफ्रेंडसाठी मागितली माफी

विनय (Vijay Hiremath) यांनी आपल्या ब्लॉगमध्ये गर्लफ्रेंडचा उल्लेख करत लिहिले, “माझ्या असुरक्षिततेमुळे मी आमचं नातं तोडलं. याबद्दल मी खूप दु:खी आहे. मला तुझ्यासाठी जे हवं होतं ते बनता आलं नाही, याबद्दल माफी मागतो.”

काय शिकतो विनयचा प्रवास?

विनय हिरेमठ यांची कथा हे दाखवते की संपत्तीने आनंद आणि समाधानाची हमी मिळत नाही. त्यांच्या यशामागील संघर्ष, समर्पण, आणि स्वप्न पूर्ण करण्यासाठी घेतलेली जोखीम यावरून अनेकांना प्रेरणा मिळू शकते.

भविष्यातील योजना आणि प्रेरणा

आता विनय हिरेमठ  यांच्या पुढील योजना काय असतील हे अद्याप गुलदस्त्यात आहे. त्यांनी आपल्या ब्लॉगद्वारे लोकांकडून आयुष्याचे उद्दिष्ट शोधण्यासाठी सल्ला मागितला आहे. हे स्पष्ट आहे की त्यांनी मिळवलेला अनुभव आणि संघर्षांचे धडे त्यांना पुढील प्रवासात दिशा देतील.